《紅Van》改編自同名暢銷小說,《那夜凌晨,我坐上了旺角開往大埔的紅VAN》是一個以懸疑驚慄手法包裝,透過一台通宵小巴與十七位乘客的經歷,來刻劃現代香港社會的故事,探討末世環境下的人性愛情、因果宿命、核能環保等問題。如果世界人口消失於一旦,作為現代都市人的我們,是否真的能夠應付「求生」這學問?為了重拾昔日生活,回到正常世界,你又願意作多大犧牲?闊別十年,陳果再導長片,帶領一眾年輕演員黃又南、文詠珊、徐天佑以及重量級演員任達華、惠英紅、林雪等,一同坐上這輛開往大埔的紅Van。讓我們回到原點,以最本土的人物和場景,說最曲折離奇的故事-因為,最極致的恐怖從來不是外星鬼怪,而是你我熟悉的都市,如今居然變得陌生。

我之前都在網絡看過小說版本,感覺真的有點緊張。今次看完電影,真的想試試寫下影評。不喜勿插啊!

120分鐘內,居然無原本好大嘅期待,可能對於原著小說太過於著迷,將文字搬上大螢幕,反而好似欠點咁。我唔會話呢套戲唔好睇,但事實上呢套戲真係唔算太好睇。今日我坐尾二果排,最後排居然隱約間傳出鼻鼾聲……

又或者未睇過小說嘅人去睇,可能會有另一番感覺,因為呢類題材嘅港產片真係少之又少,Cult片往往都係充滿驚喜,言而如果你睇過原著小說,我只可以講唔好有小說嘅心態對於呢一齣電影。角色方面真係好鮮明,因為列為III片嘅關係,基本上對白都總有句粗口,助語詞嘅幫助下令到人物更加「活生生」。而最值得一提嘅當然係肥雪,認真的態度帶出幽默的感覺,肥雪絕對係肥雪!

其實如果想笑下輕鬆下,睇下《豪情3D》得啖笑可能仲開心。最後一提嘅係,就係本片只屬於「上集」,欲知後事如何,且看下回分解。(妖,又要呃多你買多張飛睇下集)

 

創作者介紹
創作者 Kiki916 的頭像
Kiki916

Kiki Pray Love

Kiki916 發表在 痞客邦 留言(0) 人氣()